Gönguhópar
Ferðasetrið verður með þrjá gönguhópa árið 2025
Ferðasetrið býður upp á þrjá fjölbreytta og spennandi gönguhópa sem hentar fjallgöngufólki og þeim sem vilja njóta gönguferða í góðum félagsskap. Markmiðið okkar er að sameina náttúru, fræðslu, hreyfingu og gleði í hverri ferð. Gönguhópar Ferðasetrisins bjóða þér tækifæri til að njóta stórbrotinnar náttúru Íslands, kynnast nýjum gönguleiðum og eiga ógleymanlegar stundir í góðum félagsskap. Hvort sem þú ert reyndur göngugarpur eða einfaldlega ástríðufullur náttúruunnandi, þá er eitthvað fyrir þig.
Komdu með okkur í ævintýri á fjöllum!
Fjallasæla – Útivist sem lífsstíll
Fjallasæla er gönguhópur fyrir þau sem vilja gera útivist að lífsstíl. Markmiðið er að hafa gaman á fjöllum, njóta íslenskrar náttúru í skemmtilegum hópi og kynnast nýjum og fjölbreyttum gönguleiðum. Gönguhópurinn er ætlaður þeim sem hafa REYNSLU af fjallgöngum og eru í ÁGÆTIS formi. Gengið er annað hvert miðvikudagskvöld og annan hvern laugardag.
Kvennafjör – Náttúra, gleði og fróðleikur
Kvennafjör er gönguhópur fyrir konur sem vilja upplifa skemmtilegar göngur í góðum kvennahópi. Á hverri önn er ákveðið svæði í brennidepli þar sem við fræðumst um land og sögu þess á meðan við njótum göngu. Hentar konum sem vilja njóta íslenskra náttúru í afslöppuðum en fróðlegum göngum. Hópurinn byrjar í febrúar þegar sólin hækkar á lofti og lýkur í maí.
Laugardagsfjör – Lengri göngur í besta veðrinu
Laugardagsfjör er hópur sem leggur áherslu á lengri göngur í góðu veðri. Gengið er einn laugardag í mánuði og ein helgarferð er farin í ágúst. Við veljum alltaf besta svæðið eftir veðurspá, því það verður bara gengið þegar viðrar vel til fjalla. Verkefnið hefst í september 2024 og lýkur í ágúst 2025. Hentar þeim sem vilja njóta fjallganga í góðu veðri og skemmtilegum hópi.
Gönguhópar Ferðasetrisins bjóða þér tækifæri til að njóta stórbrotinnar náttúru Íslands, kynnast nýjum gönguleiðum og eiga ógleymanlegar stundir í góðum félagsskap. Hvort sem þú ert reyndur göngugarpur eða einfaldlega ástríðufullur náttúruunnandi, þá er eitthvað fyrir þig.
Komdu með okkur í ævintýri á fjöllum!
