Undirbúningur fyrir fjallgöngur með Ferðasetrinu

Til að tryggja þér sem bestu upplifun í fjallgöngu með okkur er mikilvægt að undirbúa sig vel. Hvort sem þú ert byrjandi eða vanur göngumaður er gott að vera vel búinn fyrir ólíkar aðstæður sem fjöllin geta boðið upp á. Hér eru nokkur mikilvæg ráð til að tryggja að þú njótir ferðarinnar í botn.

Ferðasetrið hefur flokkað allar gönguferðir eftir erfiðleikastigi, hægt að lesa hér.

  • Kynntu þér ferðalýsingu á gönguferð eða gönguhóp áður en þú bókar

Undirbúningur og æfingar

  • Besta leiðin til þess að æfa sig fyrir gönguferðir er að stunda fjallgöngur reglulega
  • Mjög gott að skrá sig í gönguhóp
  • Gönguferðir með tjaldgistingu í hæð: Nauðsynlegt að prufa að gista í tjaldi (nóg að vera í bakgarðinum heima hjá sér) um haust/vetur/vor og prófa búnaðinn sinn í kaldari aðstæðum
  • Gönguferðir sem standa yfir í nokkra daga: gott að fara í sumarferð/gönguferð þar sem er gengið er í nokkra daga
  • Gönguferðir í hæð: Gott úthald og þol ásamt jákvæðu hugarfari og þrautseigju og er mjög mikilvægt. Mikilvægt er að vera í góðu fjallgönguformi með gott úthald. Mjög gott að styrkja sig andlega með jóga, öndunaræfingum og hugleiðslu. Einnig er gott að styrkja sig með því að lyfta lóðum og gera þolæfingar. Íslendingar hafa ekki marga möguleika til þess að æfa sig í hæð þar sem súrefni er þynnra en skriðsund er mjög gott fyrir einstaklinga sem eru að fara ganga í hæð. Skriðsund: Æfa sig í öndun, í stað þess að anda annað eða þriðja hvert skipti, að anda í fjórða til sjötta hvert skipti

Réttur búnaður skiptir öllu máli

  • Góðir gönguskór sem styðja við ökklann. Leðurskór veita bestu vörnina. Í sumum tilvikum er hægt að nota léttari gönguskó
  • Ullarföt og gönguföt fyrir mismunandi veðurskilyrði
  • Vatnsheldur jakki, buxur og vettlingar (lúffur)
  • Þægilegan bakpoka með nægu plássi fyrir nesti, vatn og öryggisbúnað
  • Göngustafir styðja við bak og hné
  • Góðan svefnpoka og dýnu í þeim ferðum sem er gist í tjaldi

Næring og vökvi

  • Fjallganga krefst orku! Taktu með þér næringarríkt nesti
  • A.m.k. 1-2 lítra af vatni – meira ef um er að ræða lengri göngu
  • Gott að vera með ½ ltr af vatni með steinefnum í lengri göngum sem standa yfir í lengri tíma
  • Heitan drykk í brúsa ef veðurspá lofar köldum aðstæðum

Öryggi á ferðalagi

  • Við hjá Ferðasetrinu setjum öryggi í forgang. Gönguleiðsögumenn okkar eru reyndir og vel þjálfaðir
  • Ef maður fer ekki í skipulagða göngu að láta einhvern vita um ferðaplanið
  • Mikilvæt að þú hafir með þér síma með fullhlaðinni rafhlöðu
  • Takir með hælsærisplástra og verkjatöflur
  • Klæðist sýnilegum fötum, sérstaklega þegar ferðast er í þoku eða dimmu

Virðing fyrir náttúrunni

  • Við leggjum áherslu á sjálfbæra ferðamennsku
  • Vinsamlegast fylgdu merktum gönguleiðum ef þær eru til staðar
  • Taktu allt rusl með þér aftur
  • Truflaðu ekki dýralíf og njóttu náttúrunnar af virðingu

Ertu tilbúin(n) fyrir ævintýrið?

Við hjá Ferðasetrinu erum hér til að tryggja að þú eigir örugga og ógleymanlega ferð. Hafðu samband ef þú hefur spurningar eða þarft frekari upplýsingar um hvernig best er að undirbúa sig.

Við hlökkum til að ganga með þér!