Almennir skilmálar

Þessi skilmálar veita upplýsingar og reglur sem gilda fyrir allar ferðir hjá Ferðasetrinu. Viðskiptavinum er bent á að kynna sér þá vandlega áður en bókun ferðar fer fram.

1. Bókun

Í öllum auglýsingum og kynningarefni leitast Ferðasetrið við að veita skýrar og nákvæmar upplýsingar um verð og önnur atriði sem tengjast ferðunum. Ferðasetrið áskilur sér þó rétt til að leiðrétta villur, misræmi eða mistök sem kunna að koma fram í efninu, hvort sem þau eiga rætur að rekja til uppsetningar, tæknilegra ástæðna eða annarra þátta.

Bókun á ferð telst bindandi samningur milli farþega eða hóps og Ferðasetursins þegar Ferðasetrið hefur staðfest pöntunina með greiðslukvittun og viðkomandi hefur greitt tilskilið staðfestingargjald. Með því að ganga frá bókun staðfestir farþegi eða sá sem pantar fyrir hóp að hann hafi kynnt sér og samþykkt almenna skilmála Ferðasetursins. Sá sem pantar fyrir hóp ber ábyrgð á að kynna skilmálana fyrir öðrum meðlimum hópsins.
Ef farþegi eða hópur setur fram séróskir um þjónustu þarf það að koma fram í samningi milli aðila. Ferðasetrið skuldbindur sig ekki til að uppfylla slíkar óskir í öllum tilvikum. 

2. Greiðslur

 Ferðasetrið starfar með ótengdum, öruggum greiðsluþjónustum þar sem allar greiðslur eru framkvæmdar áður en þær eru gerðar upp við Ferðasetrið. Verð ferðar eins og hún er auglýst á greiðsludegi, skal greiðast í samræmi við gildandi skilmála Ferðasetursins. Aðild að gönguhópum sem Ferðasetrið býður upp á eru greidd fyrir fram. Öll verð á heimasíðu eru gefin upp með virðisaukaskatti ef það á við. Gengi gjaldmiðla og skilmálar og viðskiptareglur greiðslukorta geta valdið breytingum á verði. Hægt er að framkvæma greiðslur með kredit/debetkorti á heimasíðu eða millifæra á bankareikning Ferðasetursins.

3. Staðfestingargjald

Staðfestingargjald er mismunandi eftir tegund ferðar og greiðist við bókun. Gjald þetta er óafturkræft ef meira en 5 dagar eru liðnir frá bókun.

4. Lokagreiðsla

Lokagreiðsla á ferð er tíu vikum fyrir brottför

5. Breytingagjald

Ef breytingar eru gerðar á bókun meira en viku eftir staðfestingu bókunar, skal greiða breytingagjald. Fyrir breytingar sem gerðar eru áður en farseðlar hafa verið gefnir út er breytingagjaldið 10.000 kr á mann. Fyrir breytingar sem gerðar eru eftir útgáfu farseðla er breytingagjaldið 16.000 kr á mann.
Ef breytingin leiðir til hækkunar á verði ferðar, til dæmis vegna mismunar á fargjöldum, ber farþega að greiða þann mismun að auki.

6. Tilboðsgjald

Fyrir ráðgjöf og vinnu við gerð tilboða fyrir sérhópa er innheimt tilboðsgjald að upphæð 10.000 kr. Tilboðsgjald er ekki endurgreitt en dregst frá verði ferðar ef tilboði er tekið.
Ef óskað er eftir tilboðum fyrir fleiri en einn áfangastað skal greiða sérstakt gjald fyrir hvern viðbótarstað.
Skilmálar samstarfsaðila Ferðasetursins geta innihaldið viðbótargjöld sem eru umfram skilmála Ferðasetursins. Slíkir skilmálar gilda þá fyrir viðkomandi bókun eða ferð.

7. Verðbreytingar

Uppgefin verð Ferðasetursins miðast við gildandi verð á þeim tíma sem bókun er gerð eða ferð auglýst. Verð getur tekið breytingum ef breytingar verða á eftirfarandi þáttum sem hafa áhrif á verðmyndun:
Flutningskostnaði, þar á meðal eldsneytiskostnaði.
Sköttum eða gjöldum fyrir ákveðna þjónustu, svo sem lendingargjöldum eða gjöldum sem tengjast um borð- eða fráborðsgöngu í höfnum eða á flugvöllum.
Miklum gengisbreytingum á gjaldmiðli sem á við um tiltekna ferð.
Ferðir sem eru að fullu greiddar taka ekki slíkum breytingum ef 21 dagar eða minna eru til brottfarar.
Ferðasetrið áskilur sér jafnframt rétt til að leiðrétta verðvillu sem kunna að koma fram í bókunarkerfi, bæklingum, auglýsingum eða á vefsíðu fyrirtækisins.

8. Afbókun

Farþega er heimilt að afturkalla ferðabókun án kostnaðar innan 5 daga frá því að pöntun var gerð, að því tilskildu að a.m.k. 6 vikur séu í brottför. Eftir þann tíma verður bókun bindandi og lúta allar afbókanir gildandi skilmálum um slíkt.

Ef farþegi mætir ekki til brottfarar á réttum tíma eða getur ekki hafið ferðina vegna skorts á gildum ferðaskilríkjum, svo sem vegabréfi, vegabréfsáritun, eða öðrum nauðsynlegum skjölum, eða af öðrum ástæðum, á hann ekki rétt á endurgreiðslu ferðarinnar.

Afbókunarskilmálar kveða á um að endurgreiðsla vegna afbókunar nemur aldrei lægri upphæð en sem nemur staðfestingargjaldinu fyrir hvern bókaðan farþega.
Allar afbókanir skulu berast Ferðasetrinu skriflega.

a) Ferðir innanlands

Gönguhópar

      • Engin endurgreiðsla á gjaldi eftir að gönguhópur hefur byrjað og ekki er hægt að fá endurgreitt vegna breytinga á ferðum og áætlun í dagskrá gönguhópa

    Dagsferðir

        • Ferð afpöntuð 14 dögum eða minna fyrir brottför, engin endurgreiðsla

        • Ferð afpöntuð 15-28 dögum fyrir brottför, 25% endurgreiðsla

        • Ferð afpöntuð 29-42 dögum fyrir brottför, 50% endurgreiðsla

        • Ferð afpöntuð 42 dögum eða meira fyrir brottför full endurgreiðsla

      Sumarferðir

          • Staðfestingargjald greiðist við bókun og er óafturkræft

          • Ferð afpöntuð 28 dögum eða minna fyrir brottför, engin endurgreiðsla

          • Ferð afpöntuð 29-42 dögum fyrir brottför, 25% endurgreiðsla

          • Ferð afpöntuð 43-56 dögum fyrir brottför, 50% endurgreiðsla

          • Ferð afpöntuð 57 dögum eða meira fyrir brottför full endurgreiðsla

          • Ferð afpöntuð 43-56 dögum frá brottför sem veldur því að lámarks fjöldi í ferð næst ekki og Ferðasetrið verður fyrir fjárhagslegu tjóni

        b) Ferðir erlendis – Evrópa

            • Staðfestingargjald greiðist við bókun og er óafturkræft

            • Ferð afpöntuð 42 dögum eða minna fyrir brottför, engin endurgreiðsla

            • Ferð afpöntuð 43-47 dögum fyrir brottför, 25% endurgreiðsla

            • Ferð afpöntuð 48-56 dögum fyrir brottför, 50% endurgreiðsla

            • Ferð afpöntuð 57 dögum eða meira fyrir brottför full endurgreiðsla

            • Ferð afpöntuð 48-56 dagar frá brottför sem veldur því að lámarks fjöldi í ferð næst ekki og Ferðasetrið verður fyrir fjárhagslegu tjóni

          c) Ferðir utan Evrópu og sérferðir

              • Staðfestingargjald greiðist við bókun og er óafturkræft

              • Ferð afpöntuð 84 dögum eða minna fyrir brottför, engin endurgreiðsla

              • Ferð afpöntuð 85-95 dögum fyrir brottför, 50% endurgreiðsla

              • Ferð afpöntuð 96 dögum eða meira fyrir brottför er full endurgreiðsla

              • Ferð afpöntuð 85-95 dagar frá brottför sem veldur því að lámarks fjöldi í ferð næst ekki og Ferðasetrið verður fyrir fjárhagslegu tjóni

            Ef skilmálar samstarfsaðila Ferðasetursins fela í sér strangari reglur en þær sem hér eru tilgreindar, gilda þeir skilmálar sem ganga lengra.

            Ferðasetrinu er heimilt að breyta dagsetningu ferðar með meira en 30 daga fyrirvara. Ef breytingin er gerð með skemmri fyrirvara, telst það vera afbókun og ný bókun, þar sem afbókunarskilmálar gilda. Ef bókun er breytt úr einni auglýstri ferð í aðra, telst það alltaf sem afbókun og ný bókun.

            9. Framsal bókunar

            Farþegi hefur heimild til að framselja bókun sína til aðila sem uppfyllir þátttökuskilyrði ferðarinnar. Bæði farþegi og framsalshafi skulu tilkynna Ferðasetrinu um slíkt framsal án tafar og skriflega. Framseljandi og framsalshafi bera sameiginlega og hvor í sínu lagi ábyrgð á greiðslu allra eftirstöðva og kostnaði sem kann að falla til vegna framsalsins.

            Framsal bókunar er ekki mögulegt eftir að farseðill hefur verið gefinn út eða í þeim tilvikum þar sem þjónustuaðilar setja skilyrði sem Ferðasetrið getur ekki breytt. Ferðasetrið ber enga ábyrgð á sölu ferða milli farþega.

            10. Aflýsing og breytingar á ferð og gönguhópum

            Ferðasetrið ber enga ábyrgð á hvers konar ófyrirsjáanlegum aðstæðum sem geta átt sér stað, sem dæmi má nefna, náttúruhamfarir, veðurbreytingar, aflýsing á flugi eða þyrlu. Aðstæðum sem ferðaskrifstofa getur engu um ráðið og ekki komið í veg fyrir, né afleiðingum af völdum þeirra. Í slíkum tilvikum er ferðaskrifstofu heimilt að BREYTA eða aflýsa ferðinni með öllu og verður farþegum tilkynnt um það tafarlaust. 
            Ferðasetrinu er heimilt að gera breytingar á ferðum áður en þær hefjast. Ef slíkar breytingar eru gerðar skal upplýsa farþega eins fljótt og mögulegt er.

            Tímasetningar sem gefnar eru upp við bókun eru áætlaðar og geta breyst.
            Ferðasetrinu er heimilt að aflýsa ferð ef þátttaka er ekki næg að mati fyrirtækisins. Farþegum skal tilkynnt um slíka aflýsingu eigi síðar en 21 degi fyrir áætlaða brottför. Fyrir ferðir sem vara 7 daga eða skemur er hægt að aflýsa með sjö daga fyrirvara.

            Ferðasetrið áskilur sér rétt til að breyta ferðum og áætlun gönguhópa vegna veðurs eða annarra utanaðkomandi aðstæðna, fresta ferð og hætta við ferð ef þátttaka er ekki næg. Ef Ferðasetrið hættir við ferð er fargjald endurgreitt að fullu.

            11. Skyldur farþega

            Farþega ber að fylgja fyrirmælum fararstjóra eða starfsfólks þeirra aðila sem Ferðasetrið hefur samið við um þjónustu. Farþegi skal einnig fylgja lögum og reglum opinberra aðila í þeim löndum sem ferðast er til, sýna samferðamönnum sínum tillitssemi og virða reglur sem gilda á hverjum stað. Farþegi ber ábyrgð á tjóni sem hann kann að valda vegna hegðunar sinnar.

            Ef farþegi mætir ekki á brottfararstað á réttum tíma, svo sem í flugstöð, eða hindrast í að taka þátt í ferð vegna eigin vanrækslu, svo sem vegna skorts á nauðsynlegum ferðaskilríkjum, glatar hann rétti sínum til bóta vegna þess.

            Brjóti farþegi af sér eða gefi hann ástæður til að ætla að hann valdi óþægindum fyrir samferðafólk sitt vegna framkomu sinnar, er Ferðasetrinu heimilt að hindra farþega í að hefja eða halda áfram ferð, og ber hann þá allan kostnað sem af því hlýst, án endurkröfuréttar gagnvart Ferðasetrinu.

            Ferðasetrinu er heimilt að hafna viðskiptum við einstaklinga sem sýnt hafa óviðeigandi hegðun í fyrri ferðum eða sem fyrirtækið telur ófæra til þátttöku í ferð vegna sjúkdóma eða annarra ástæðna.

            Ef farþegi hefur heilsufarsvandamál eða önnur meiðsl er hann hvattur til þess að leita ráða hjá lækni og fá samþykki áður en hann kaupir ferð frá Ferðasetrinu.

            Farþegi er ábyrgur fyrir því að tryggja að allar upplýsingar séu réttar við skráningu og verður hann að gefa upp virkan tölvupóst sem hann hefur aðgang að. Ef farþegi skiptir um tölvupóst verður hann að uppfæra hann með því að senda tölvupóst á ferdasetrid@ferdasetrid.is. Ferðasetrið lítur svo á að allur tölvupóstur sem er sendur frá fyrirtækinu á skráð tölvupóstfang farþega hafi verið móttekin af honum innan þriggja daga frá því að hann var sendur.

            12. Vegabréf og áritun

            Farþegar bera ábyrg á gildistíma vegabréfa áður en lagt er af stað. Það er alfarið á ábyrgð hvers og eins að afla upplýsinga um og tryggja að öll nauðsynleg ferðaskilríki og áritanir séu til staðar fyrir það land sem ferðast er til.
            Mikilvægt er að athuga hvort vegabréfið sé í gildi nægilega lengi, þar sem mörg lönd krefjast þess að gildistími vegabréfs sé a.m.k. 6 mánuðir umfram dvalartíma í landinu. Alltaf skal ferðast með vegabréf, jafnvel þegar ferðast er innan Schengen-svæðisins.

            Áður en ferð hefst þarf að kanna hvort vegabréfsáritun eða önnur ferðaskjöl séu nauðsynleg. Nánari upplýsingar um vegabréfsáritanir og tengd atriði er að finna á vefsíðu Utanríkisráðuneytisins. Auk þess skal hafa í huga að ef millilendingar eru á ferðalagi, getur verið nauðsynlegt að útvega áritun fyrir viðkomandi millilendingarland.

            13. Tryggingar

            Þátttakendur sem ferðast með Ferðasetrinu eru á eigin ábyrgð. Farþegar eru hvattir til þess að kaupa sér ferða-, forfalla- og slysatryggingu og kynna sér þessar tryggingar hjá sínu tryggingafélagi eða viðskiptabanka. 

            Viðskiptavinum er ráðlagt að tryggja sig með ferða-, slysa/sjúkra- og farangurstryggingu, sem hægt er að kaupa hjá tryggingafélögum. Einnig geta handhafar kreditkorta oft nýtt sér ferðatryggingar sem fylgja kortunum, en slíkar tryggingar eru ekki innifaldar í verði ferðarinnar.

            Farþegar eru hvattir til að kanna vel hvaða tryggingavernd þeir njóta og lesa skilmála þeirra trygginga sem þeir hafa keypt, til að tryggja að hún henti þörfum þeirra á ferðalaginu.

            Þegar viðskiptavinur kaupir gönguferð þar sem farið er yfir 4.000 metra hæð yfir sjávarmáli þá þarf sérstaka tryggingu sem viðkomandi hjá sínu tryggingarfélagi eða hjá erlendum aðila. Viðskiptavinur kaupir tryggingu fyrir þann tíma sem göngudagar eru yfir 4.000 metra.

            Ef einhverjar spurningar vakna varðandi tryggingamál, er gott að leita sér frekari upplýsinga hjá viðeigandi tryggingafélögum eða þjónustuaðilum.

            14. Takmarkanir ábyrgða og skaðabætur

            Ferðasetrið áskilur sér rétt til að takmarka skaðabætur í samræmi við takmarkanir sem kveðið er á um í landslögum eða alþjóðasamningum. Ferðasetrið gerir ráð fyrir að þátttakendur í hópferðum séu heilir heilsu þannig að ekki sé hætta á að þeir valdi öðrum óþægindum eða tefji ferðina vegna sjúkdóms. Ef farþegi veikist í hópferð ber hann sjálfur ábyrgð á kostnaði sem af því kann að hljótast sem og kostnaði við heimferðina. Farþegi á ekki rétt til endurgreiðslu frá Ferðasetrinu þó hann ljúki ekki ferð af þessum ástæðum eða öðrum sem ferðaskrifstofunni verður ekki um kennt.

            Hugsanlegar athugasemdir vegna ferðar skulu berast Ferðasetrinu án tafar svo hægt sé að greiða úr vandanum. Athugasemd skal berast skriflega á netfangið ferdasetrid@ferdasetrid.is eins fljótt og við verður komið og í síðasta lagi innan mánaðar frá því að viðkomandi ferð lauk. Að öðrum kosti verða hugsanlegar bótakröfur ekki teknar til greina og farþegi með aðgerðaleysi sínu samþykkt að fella niður allar slíkar kröfur á hendur ferðaskrifstofunni.

            Ferðasetrið ber ekki ábyrgð ef aðbúnaður eða þjónusta gististaða er tímabundið ekki fyrir hendi, t.a.m. sökum bilana og viðgerða eða lokunar á veitingastöðum.

            Ferðasetrið bera ekki ábyrgð á skemmdum sem kunna að verða á farangri í flugi eða í öðrum farartækjum svo sem rútum og áætlunarbifreiðum. Verði skemmdir á farangri í flugvél ber farþega að fá skriflega skýrslu hjá þjónustuaðila flugfélagsins á viðkomandi flugvelli við komu. Athugið að geyma þarf brottfararspjaldið og tjónaskýrsluna. Flugfélagið greiðir farþega bætur fyrir skemmdan farangur samkvæmt alþjóðlegum reglum og skulu bætur sóttar þangað. Hafi farþegi ekki látið gera tjónaskýrslu er ekki hægt að fá farangur bættan. Ferðaskrifstofan ber ekki ábyrgð á ef farangur tapast eða ef hann berst farþega seint.
            Að öðru leyti er vísað til gildandi reglugerða bæði innanlands sem og erlendis hvað varðar réttindi farþega.

            15. Réttindi og skyldur Ferðasetursins

            Öll samskipti á milli Ferðasetursins og notenda skulu vera í samræmi við persónuverndarstefnu Ferðasetursins.

            Farþegi gefur Ferðasetrinu leyfi til að senda fréttabréf, tilboð, uppfærslur, vörur og viðburði sem tengjast þjónustunni á tölvupóstfang notanda. 

            16. Breytingar á skilmálum

            Ferðasetrið áskilur sér einhliða rétt á því að breyta upplýsingum sem fram koma á vefsíðu ferðaskrifstofunnar, sem og skilmálum þess án fyrirvara. 

            17. Kvartanir

            Hafi farþegi kvartanir yfir þjónustunni eða öðru, er honum velkomið að hafa samband og við leysum málið eins vel og auðið er. Farþegi þarf að senda skriflegan tölvupósti á ferdasetrid@ferdasetrid.is

            Ef farþegi hefur enn ástæðu til þess að kvarta eftir úrlausn mála er Kærunefnd vöru- og þjónustukaupa stjórnvald sem úrskurðar í ágreiningsmálum milli neytenda og seljenda vegna kaupa á vörum og þjónustu. Hægt er að senda inn kvörtun til nefndarinnar með rafrænum hætti á heimasíðu hennar: https://kvth.is.

            SÉRÁKVÆÐI

            Flugfélög hafa rétt til breytinga á flugáætlun og flugtímum vegna veðurs, tafa vegna mikillar flugumferðar eða vegna seinkunnar vélar úr öðru flugi eða bilana. Flugfélög hafa einnig rétt til að skipta um flugvélakost reynist það nauðsynlegt eða breyta sætaröðun í flugvélinni. Ferðasetrið ber ekki ábyrgð á slíkum töfum flugfélaga eða breytingum frá fyrir fram staðfestri flugáætlun og bera enga skyldu til endurgreiðslu eða fjárhagslegra bóta til handa farþegum.

            Þær ferðir sem seldar eru með flugi, þá eru flugmiðar gefnir út af mismunandi flugfélögum og gilda þær reglur sem þau flugfélög styðjast við. Hægt er að nafnbreyta flugmiðum sem keyptir eru til Evrópu gegn gjaldi.

            Þær ferðir sem seldar eru með flugi utan Evrópu, þá eru flugmiðarnir gefnir út af mismunandi flugfélögum og gilda þær reglur (hjá þeim) að eftir að flugmiði er gefin út á nafni og kennitölu er HVORKI HÆGT að breyta eða endurgreiða flugmiðann. 

            Ferðasetrið ber EKKI ábyrgð á flugi farþega í ferð með Ferðasetrinu, sem hann getur ekki nýtt vegna ófyrirsjáanlegra aðstæðna, af völdum þeirra eða það verða breytingar sem ekki er hægt að komast hjá.

            Ferðaskrifstofa ber enga ábyrgð á flugi sem notandi hefur keypt til að nota í ferð með Ferðasetrinu.