Víknaslóðir eru ein af náttúruperlum Austfjarða – þar sem fjöll, firðir og víkur mynda óviðjafnanlegt landslag. Gönguleiðin liggur um svæði sem áður var byggt, þar sem bændur og sjómenn lifðu og störfuðu, en nú ríkir kyrrðin og fuglasöngurinn einn. Leiðin liggur frá Borgarfirði eystri og yfir í víkurnar austan megin, meðal annars Húsavík, Breiðuvík og Loðmundarfjörð. Á göngunni opnast einstakt sjónarhorn á hverjum degi – víkur, móar, há fjöll og dalir. Hér má finna leifar af gömlum bæjum, fjárgötum og sögulegum minjum sem segja frá harðbýlu lífi fyrri tíma.

Víknaslóðir er staður þar sem tíminn hægir á sér og maður nær að vera algerlega í núinu. Við byrjum daginn  á léttum jógateygjum og förum í jóga nidra eftir göngu á meðan veður leyfir. Gönguleiðirnar eru fjölbreyttar og það verður í boði að ganga upp á Hvítserk á leið yfir í Húsavík.

​Þetta er ferð með trúss á farangri, gistingu í skála, morgunverð og grillveislu seinasta kvöldið. Þátttakendur þurfa aðeins að bera dagspoka með vökva og nesti, allt annað er trússað á milli skála.

​​Greiða þarf staðfestingargjald til að festa sæti við bókun, staðfestingargjaldið er 29.000 kr og er óendurkræft, lokagreiðsla þarf að greiða fyrir 10. maí. Til að fá frekari upplýsingar er hægt að senda póst á ferdasetrid@ferdasetrid.is

​​Í þessa ferð þarf lágmark 16 manns og hámark er 24 manns

​​​​Fararstjórn: Edith Gunnarsdóttir og Elinas Jackson

Innifalið

• Undirbúningsfundur
• Trúss á farangri
• 4 göngudagar
• Gisting 3 nætur í skála
• Morgunverður
• Grillveisla
• 2 Fararstjórar

​​​Ekki innifalið

• Akstur austur
• Nesti í göngum
• 2 kvöldverðir
• Forfallatrygging
• Ferða og slysatrygging